ക​ടു​ത്ത ശ​രീ​രം​വേ​ദ​ന, ന​ടു​വേ​ദ​ന..! ട്രാ​ഫി​ക് എ​സ്ഐ​യെ ആ​ക്ര​മി​ച്ച കേ​സി​ൽ ഒ​ന്നാം പ്ര​തി​യെ പോ​ലീ​സ് മ​ർ​ദി​ച്ചെ​ന്ന് പ​രാ​തി! സ്കാ​നി​ങ്ങി​ൽ ജോബിന്റെ ന​ട്ടെ​ല്ലി​നു ച​ത​വ് ഉ​ള്ള​താ​യി ഡോ​ക്ട​ർ

ചേ​ർ​ത്ത​ല: അ​പ​ക​ട​ക​ര​മാ​യി സ​ഞ്ച​രി​ച്ച ജീ​പ്പ് ത​ട​യാ​ൻ ശ്ര​മി​ച്ച ട്രാ​ഫി​ക് എ​സ്ഐ​യെ ആ​ക്ര​മി​ച്ച കേ​സി​ൽ ഒ​ന്നാം പ്ര​തി​യെ പോ​ലീ​സ് മ​ർദി​ച്ചെ​ന്ന് പ​രാ​തി.

മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മി​ലി​ട്ട​റി ഉ​ദ്യോ​ഗ​സ്ഥ​നാ​യ കൊ​ട്ടാ​ര​ക്ക​ര പ​ത്ത​നാ​പു​രം വെ​ള​കു​ടി പ​ഞ്ചാ​യ​ത്തി​ൽ ആ​വ​ണീ​ശ്വ​രം സാ​ബു​രാ​ജാ വി​ലാ​സ​ത്തി​ൽ ജോ​ബി​നാ​ണ് (29) ആ​ശു​പ​ത്രി​യി​ൽ ചി​കി​ത്സ​യി​ലു​ള്ള​ത്.​

ഇ​ന്ന​ലെ എ​ക്സ​റെ, സ്കാ​നി​ങ്ങ്, അ​ൾ​ട്ര​സൗ​ണ്ട് സ്കാ​നി​ങ്ങ് എ​ന്നി​വ​യ്ക്കു വി​ധേ​യ​മാ​ക്കി. സ്കാ​നി​ങ്ങി​ൽ ജോ​ബി​ന്റെ ന​ട്ടെ​ല്ലി​നു ച​ത​വ് ഉ​ള്ള​താ​യി ഡോ​ക്ട​ർ പോ​ലീ​സി​നെ അ​റി​യി​ച്ചു.

ഇ​യാ​ൾ റി​മാ​ൻ​ഡി​ൽ പോ​ലീ​സ് സു​ര​ക്ഷ​യി​ലാ​ണ് ചി​കി​ത്സ​യി​ൽ ക​ഴി​യു​ന്ന​ത്.ജോ​ബി​ൻ അ​ട​ക്കം മൂ​ന്നു പ്ര​തി​ക​ളെ തി​ങ്ക​ളാ​ഴ്ച കോ​ട​തി​യി​ൽ ഹാ​ജ​രാ​ക്കാ​ൻ തു​ട​ങ്ങി​യ​പ്പോ​ൾ ക​ടു​ത്ത ശ​രീ​രം​വേ​ദ​ന, ന​ടു​വേ​ദ​ന തു​ട​ങ്ങി​യ​വ​യെ തു​ട​ർ​ന്ന് ജോ​ബി​നെ കോ​ട​തി​യി​ൽ എ​ത്തി​ക്കാ​നാ​യി​ല്ല.

ര​ണ്ടും മൂ​ന്നും പ്ര​തി​ക​ളാ​യ വെ​ള​ക്കു​ടി കു​ന്നി​ക്കോ​ട് ശാ​സ്ത്രി ക​വ​ല സി.​എം. വീ​ട്ടി​ൽ ഷ​മീ​ർ മു​ഹ​മ്മ​ദ് (29), ആ​വ​ണീ​ശ്വ​രം വി​പി​ൻ ഹൗ​സി​ൽ വി​പി​ൻ രാ​ജ് (26)എ​ന്നി​വ​രെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തി​രു​ന്നു.

മിലിട്ടറിയിൽ പരാതി..

ജോ​ബി​നെ ചേ​ർ​ത്ത​ല താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​തി​നെ തു​ട​ർ​ന്ന് മ​ജി​സ്ട്രേ​റ്റ് ആ​ശു​പ​ത്രി​യി​ലെ​ത്തി മൊ​ഴി എ​ടു​ത്ത​പ്പോ​ഴാ​ണ് പോ​ലീ​സ് മ​ർ​ദി​ച്ചെ​ന്ന പ​രാ​തി പ​റ​ഞ്ഞ​ത്.

മി​ക​ച്ച ചി​കി​ത്സ​യ്ക്കാ​യി രാ​ത്രി​യോ​ടെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കു മാ​റ്റി. മി​ലി​ട്ട​റി​യ്ക്കും പ​രാ​തി ന​ൽ​കി​യി​ട്ടു​ണ്ടെ​ന്നും കൂ​ടാ​തെ പോ​ലീ​സ് മ​ർ​ദി​ച്ചെ​ന്ന് കാ​ട്ടി ജോ​ബി​ന്‍റെ സ​ഹോ​ദ​ര​ൻ മു​ഖ്യ​മ​ന്ത്രി, മ​നു​ഷ്യാ​വ​കാ​ശ ക​മ്മീ​ഷ​ൻ തു​ട​ങ്ങി​യ​വ​ർ​ക്കും പ​രാ​തി ന​ൽ​കി.

ദു​ബാ​യി​ൽ ജോ​ലി​യി​ലു​ള്ള റോ​ബി​ൻ പ​രാ​തി മെ​യി​ൽ ചെ​യ്യു​ക​യാ​യി​രു​ന്നു. സ്റ്റേ​ഷ​നി​ലെ​ത്തി​യ ബ​ന്ധു​ക്ക​ളും പ​റ​ഞ്ഞ വി​വ​ര​മാ​ണ് പ​രാ​തി​യി​ൽ പ​റ​യു​ന്ന​ത്.

വ​ർ​ഷ​ങ്ങ​ളാ​യി പ​ഴ​കി​യ ജീ​പ്പ് ആ​യ​തി​നാ​ൽ അ​തി​വേ​ഗ​ത്തി​ൽ ഓ​ടി​ക്കാ​ൻ പ​റ്റി​ല്ലെ​ന്നും പോ​ലീ​സ് അ​പ​മ​ര്യാ​ദ​യാ​യി പെ​രു​മാ​റി​യ​തി​നെ തു​ട​ർ​ന്ന് ത​ർ​ക്ക​മു​ണ്ടാ​കു​യും ജോ​ബി​ന്റെ കൈ ​എ​സ്ഐ​യു​ടെ ദേ​ഹ​ത്ത് കൊ​ണ്ട​താ​ണെ​ന്നും സ്റ്റേ​ഷ​നി​ലെ​ത്തി​ച്ച് മ​ഫ്തി​യി​ൽ ഉ​ൾ​പ്പെ​ടെ​യു​ള്ള പോ​ലീ​സ് മ​ർ​ദി​ച്ചെ​ന്നും ആ​ദ്യം ജാ​മ്യം ല​ഭി​ക്കാ​വു​ന്ന വ​കു​പ്പ് എ​ടു​ക്കു​ക​യും പി​ന്നീ​ട് ജാ​മ്യ​മി​ല്ലാ വ​കു​പ്പ് ആ​ക്കു​ക​യും ചെ​യ്തെ​ന്നും മെ​ഡി​ക്ക​ൽ കോ​ള​ജി​ലും പോ​ലീ​സ് ഭീ​ഷ​ണി​പ്പെ​ടു​ത്തി​യെ​ന്നും ജോ​ബി​ന്റെ ബ​ന്ധു​ക്ക​ൾ ആ​രോ​പി​ക്കു​ന്നു.